Liż-"żgħir" li ħallejt warajja l-Etjopja

X’kien li ġibidni

u li saħħarli ‘l qalbi

kull meta bennintek

u żammejtlek idejk?

Kienu għajnejk

profondi,

u n-nifs

iħarħar?

Il-ħarsa qalila

li ma ċċedi

b’xejn?

Il-friegħi dgħajfa

minn pal’t’id ċkejkna

iggranfati ma’ sebgħi

b’kilba tal-ġenn,

bħal donnok f’dik il-qabda

ridt taħkem

lill-Ħajja

biex le ma taħrablek

u int

tibqa’

hemm.

Narak, Qalbi,

għada

pit-

għada

tilgħab f’nofs ix-xita

traxxax gelgul.

Narak,

ma’ ħutek

minn ommijiet oħra,

għajnejk kbar leqqiena

jixorbu kull dħul.

Imm’għal issa

stenna

bejn gverta u mitraħ

bil-pajp tal-ikel

nieżel

m’imnifsejk.

Ħallini, fil-memorja,

nitimgħek darb’oħra,

waqt li qalbi

titgħawweġ

għax imbegħda

għajnejk.